Abi Waqt Hy Mujhe Chor Jaa,

Abi Maslehat Ka Muqaam Hy,

Abi Qaaflon Ka Qayaam Hy,

Abi Dastras Men Hy Zindagi,

Abi Chashm'e Nam Men Hy Roshni,

Abi Naqsh'e Paa Ko Sabaat Hy,

Abi Kuch He Dair Ki Baat Hy,

Abi Waqt Hy Mujhe Chor Jaa,

Abi Gard Raah Se Urri Nahi,

Abi Kirchiyon Men Batey Nahi,

Abi Her Nazara Haseen Hy,

Abi Subh'e No Ka Yaqeen Hy,

Abi Ham Kinaron Pe Hen Kharey,

Abi Waqt Hy Mujhe Chor Jaa,

Ye Safar Nahi Ye Azaab Hy,

Yahan Her Qadam Pe Sarab Hy,

Yahan Bad'Gumani Ka Raaj Hy,

Yahan Be'Wafai Rivaaj Hy,

Abi Hosh Khoney K Din Nahi,

Abi Tere Roney K Din Nahi,

Abi Waqt Hy Mujhe Chor Jaa,

Abi Saari Nagri Andher Hy,

Abi Din Nikalne Men Dair Hy,

Abi Behr'e Eshq Men Na Utar,

Abi Shehr Sara Hy Be'Khabar,

Abi Waqt Hy Mujhe Chor Jaa....!!!